Introduzione

‘E CCOZZECHE

Menu

Ascolta la poesia, letta da Lucia Izzo

 (01'45'', 225 kb)

 

 
Eppure ce ne stanno frutte ‘e mare:
tunninele, lupine, fasulare,
vòngole, cannulicchie, taratufe,
e so’ tutte sapurite e prelibbate.
Ma .‘e ccozzeche, però, so’ ‘n’ata cosa...
Io quanno veco chelli trezze nere,
belle, lucente, ‘nfose d’acqua ‘e mare,
tutte addubbate ‘ncopp’ ‘e bancarelle
‘nzieme cu chellu ggiallo d’ ‘e limone
beh.. faccio ll’acqua ‘mmocca, c’aggia fa’:
me fermo. ‘accatte e me ll’aggia magna’.
‘Sti morze ‘e mare so’ fresche e sfezziose,
 vive, frizzante, ténnere e zucose...
Fattelle comme vuo’: é ‘a stessa cosa
scaurate, a suté o ‘a ‘mpepatella,
cu ‘o fforte, cu nu poco e salzulella
so’ sempe lloro: bbone e sapurose.
 Ma si t’ ‘e ‘magne crure, al naturale,
 t’a rraccumanno, aràpela cu arte,
si no ‘e stravise, ll’arruvine, ‘e squarte...
e ll’uocchio va truvanno la sua parte.
Pirciò mo’ te spie gh’io comtne se fa:
‘a cozzeca se cocca ‘mmiez’ ‘e ddete,
e primme doje, a coppa ‘o dito gruosso
 e cu stu’ dito faje ‘nu poco’ e forza
pe’ fa’ scusta’ ‘nu poco scorza-e-scorza;
 cu nu curtiello adatto, a llama corta
‘nce ‘nfizze ‘a ponta ‘mmiezo, ‘a sotto ‘ncoppo,
ce ratte tutto ‘o frutto ch’é azzeccato
e ‘accucchie dìnt’a méza scorza ‘e sotto,
po’, sempe c’ o curtiello, t’ ‘a sul lieve
e t’ ‘a pulizze attuorno, sana sana,
mentre essa cacce, scenne ll’acqua ‘e mare
comme ‘a sciampagna dint’ ‘a ‘nu bicchiere,
ce spriemnie a coppa ‘a lacrema ‘e limone
e po’... t’ ‘a zuche... t’ ‘a pazzìé pe’ bocca
pe’ gusta’ meglio.. pe’ t’arricria’
cu ‘stu buccone ch’é delizia ‘e Ddio!
…………
…………
Dice: ‘o culera!!... E che ce pozzo fa’?!?!?..
Io me cunzolo e voglio arreseca’!
Sarraggio ‘n’incosciente scumbinato
ma io so’ ‘nu... magna-cozze ‘a che so’ nnato!

  Ugo Izzolino

MENU